藝人杜大偉（David）最近接拍了海外樓盤廣告，他曾在無綫劇集《福爾摩師奶》中飾演幹探查案的形象深入民心，今次於廣告中更索性化身偵探，再豬肉佬「上身」與尹詩沛夫婦拍檔演出。David除了1人分飾2角，還自度劇本。拍攝當日，他穿上鮮紅色厚身大褸，造型醒神，他說：「服裝指導想造型新派啲，就搵咗呢件大褸畀我着，拍攝時用Chroma key（色鍵），所以要停咗部冷氣，以免有色差，結果我焗到成身汗，連個妝都溶埋，要化妝師不停幫手抹汗同補妝，好似跑完馬拉松咁！」
