J.Arie翻唱日本歌手LiSA的人氣動畫《鬼滅之刃》劇場版主題曲《炎》粵語版，日前捱凍到海邊拍攝MV並於網上分享。她表示今次是受填廣東詞的網紅邀請推出粵語版，純粹抱住「Just For Fun」心態，之前亦曾翻唱不少外語電影歌曲。
問到可擔心網民將她與LiSA的版本作比較？J.Arie說：「我冇諗比較呢個問題，知LiSA個版本超Hit，有超過6,000萬收看次數，我知有啲人係動漫粉絲同聽慣日本版，所以一定覺得原裝係最好，但我睇番留言，啲評論超過8成話粵語版好，我已經覺得好值得高興，依家我個版本都有接近7萬收看次數，我估計過多1、2個禮拜，或者有10萬次啩！」
對於網民指其MV畫面較暗，J.Arie表示要問LiSA：「好搞笑，啲網民可能只聽歌，冇留意原裝版本MV，我咁拍係因為想個MV近似LiSA個版本。」