女兒唱《對你愛不完》 城城:即刻冧晒!

天王郭富城昨日出席《滙豐尚玉尊尚理財系列》記者會,坦言為銀行拍廣告時有意借出全球限量10部的私伙戰車,又指喜歡收藏名車保值,財政則交由公司會計及經理人小美打理。問到為何今次未有父女檔上陣,他說:「佢哋仲細,遲啲就唔知。家姐可能遺傳咗我嘅演藝細胞,好有表演欲,試過有次我揸車,佢喺後面唱《對你愛不完》,我即刻冧晒。」

城城又指為女兒們日後生活及發展作好準備:「教育同醫療基金唔少得!我同太太都有共識,盡量配合去發展佢哋多方面嘅潛能,好似請咗老師教佢廣東話同英文,培養語言能力,老婆陪上堂都學埋一份。」