創作歌手何展睿昨日到戲院為新歌《逆光》舉行MV首播會，其母及太太都有現身支持，另邀請30多名觀眾，當中包括MV演員。講到第4波疫情現正爆發，他表示活動事前已安排好所有防疫措施，院內入座率約7成，亦會隔開坐：「冇預好多人嚟，但都有1、2個人話擔心冇嚟，成功舉行到簡直係夢想成真，之後會繼續喺唔同平台宣傳新歌，仲想開音樂會，諗緊一係做Live，一係就錄音。」
