網友早前發起聯署要求華納兄弟電影公司炒掉《水行俠2》（Aquaman 2）美國女星安芭赫德（Amber Heard），與誹謗家暴案敗訴後「被辭演」《怪獸》（Fantastic Beasts）系列第3集的美國男星前夫尊尼特普（Johnny Depp）一視同仁，因安芭都其身不正！
不過網友期望大概落空，安芭受訪時確認會參演《水2》：「啲畀錢製造嘅傳聞同聯署唔會影響到我，因為佢哋冇事實根據。《水行俠》有咁多粉絲愛戴同欣賞令我超興奮，大家都好期待見到水行俠同Mera（安芭角色），代表我哋都會回歸。我已經急不及待要去拍攝。」並透露電影將於來年開鏡。