杜小喬嫌高拒幫謝高晉做媒
歌手謝高晉為電台主持節目，邀得曾為他新歌MV擔任女主角的杜小喬做嘉賓，他透露拍MV前已認識，不時傾養貓經：「今次節目主題係睇吓我哋合唔合拍。（係咪想塑造成螢幕情侶？）唔係！我驚佢男友（譚永浩）會嬲！哈哈！」
身高6呎3吋的謝高晉，企在杜小喬旁邊高人一等，需刻意擘大腳遷就。問到小喬可有介紹女孩給對方？她說：「我識嘅女仔身高未Match到佢嘅高度！」她又透露與男友感情穩定，但問到有否結婚打算即不知所措：「呢個係一個謎！唔知答案。（有冇諗過？）我諗每個女仔都有幻想過，依家努力做嘢先。 」