JW唔願當一姐：做焦點好慘！
歌手JW早前接受「金槌拍賣官」金鈴主持的繽FUN星網全新節目「金鈴12星X萬希泉」訪問，節目一連12集訪問不同星座的藝人，與主持暢談一番。JW剛加盟新公司星夢，但坦言不想做一姐因壓力大：「做將軍唔好，會衝上去死o架！」
雙子座代表JW（王灝兒），被金鈴出題目「若為雙胞胎BB選擇不同的配飾，會選擇哪一樣不同？」來測試她對伴侶的態度，JW最後揀「不同的衣服」，原來代表她較易被伴侶的甜言蜜語所迷惑，感情上伴侶較佔上風，她聞言即點頭認同！提到拍拖4年的男友，JW有讚無彈：「佢好叻，識好多嘢會教我，令我觀點都唔同咗。有時有啲嘢擺錯咗重點會好辛苦、唔開心，佢令我嘅顧慮變得簡單。」
提到強勢加盟星夢娛樂，作為實力唱將是公司「一姐」的勁敵，但JW坦承不想坐一姐之位：「咁大嘅平台其實有好多機會，一個人係做唔晒！我覺得最開心就係個個都有機會，有時做將軍都唔好，做將軍都會衝上去死o架嘛！成為焦點好慘、好大壓力。」自己目標是希望唱電視劇主題曲。想收睇完整訪問，記得留意明日下午5時在繽FUN星網播出的「金鈴12星X萬希泉」節目！
3個月減13磅
另外，JW昨日到尖沙咀出席Mira Place「SANTA CLAWS」恐龍聖誕派對活動，透露今年聖誕不會大事慶祝，除了忙於減磅，還要準備開拍新劇：「今次只係負責其中一個單元，而唔係外傳做女主角，3個月減咗13磅。（親熱戲？）今次冇！自己都好識做，盡量唔會，因為如果我男友拍嘢錫其他女仔，我個心都唔舒服啦！」