純情女歌手真空施誘
繽FUN星網新節目《娛樂揞名爆》，邀得形象指導張學潤（Nel Nel）、著名DJ Kawaii及藝人可宜齊齊爆料，今集主題是藝人偷食實錄。可宜率先爆純情女歌手約打友誼波，背住正印約當紮男星回家飲酒傾偈，她突然去沖涼，之後更「真空浴袍」施誘，可宜說：「佢不經意整一整件浴袍，裏面係赤裸嘅，之後個男星就跟住佢入房！」孤男寡女共處一室，會做啲乜？唔使畫出腸啦！
Nel Nel就爆有對男女藝人偷偷摸摸拍拖，他說：「每次見面都係上男方屋企，女方自動送上門『食快餐』，仲次次離開時頭髮都濕漉漉！」Kawaii踢爆有花心諧星當街偷情被女友撞破，他即時演技大爆發，以拍戲做藉口，相當無賴。