32D張若錡 收聯合國露鳥圖

憑ViuTV節目《鬼同妳上位》人氣上升的模特兒張若錡,疫情下靠「咪咪」吸金賣豐胸丸,月吸6位數,認真和味!天賦32D魔鬼身材,有辣有唔辣,早前以全裸姿態上陣拍攝吸金的她,原來長年常收邀約「飯局」短訊,以及「聯合國下體照」,飽覽本地及異國風味!

張若錡早前在探靈節目《鬼同妳上位》頂替林鈺洧參加冥婚,引起網友熱話,她說當日收到邀約即答應:「我信有鬼神,但係唔驚,一搵我即刻答應,因為平時冇咩途徑做呢啲嘢!」疫情下她坦言幕前工作減少,並要延至明年才推出以愛情為主題的散文集,而講到感情事時,她自爆曾被閨蜜出賣:「當時我17歲,好朋友偷食我男友,男友堅稱係我朋友勾引佢,我朋友就話男嘅飲醉咗,最後男友為箍煲以死相逼,我原諒咗佢。」

雖然幕前收入減,張若錡靠「咪咪」同樣殺出血路,每月約有5至6位數收入:「我本來係做瘦身食品代理,早排夾咗個拍檔搵廠商研發豐胸丸,我有試過先拎出嚟賣。」32D火辣身材也有煩惱,她自爆經常收到問價訊息及「聯合國下體照」:「成日都收到來自世界各地男士嘅露械相,有外國人同亞洲人。(點分國籍?)有啲人會放自己個樣做icon,不過真係有大有細,咁多年嚟收好多,慣咗!亦成日收古怪開價訊息,話有老闆好鍾意我,畀10萬、20萬叫我陪佢1晚,但我唔會理。」

全裸吸金

另外,張若錡早前接拍社交平台宣傳片,酬勞可觀,但其中一幕要全裸走入男主角睡房玩色誘,她說:「有掙扎過,但想有多啲新挑戰,對自己嘅身形都好有信心。好彩導演將呢幕安排喺最後拍,同男主角熟咗先到呢個場口,冇咁尷尬!」