蔡小蝶信吳燚曦冇隆胸

《2020亞洲小姐競選香港區決賽》眾佳麗昨日到大埔亞視領取獎金,獲10萬獎金的冠軍蔡小蝶,對於「最完美體態獎」得主吳燚曦被指隆胸,她喊住戥好友感不值:「唔覺得報道係真,因為好多謠言,心目中佢係好好嘅參賽者,唔會聽人哋點講。」而吳燚曦否認隆胸:「有拍過隆胸廣告,但係冇做隆胸手術。」又解釋決賽當日「胸湧」之謎:「比賽嘅時候56kg,上圍就34C,因為墊咗嘢、同埋着旗袍,着大咗一個碼胸圍,先有逼爆效果。」未能入三甲的張玥早前轟賽果不公,昨日表示仍然不開心,覺得錯失了機會。

另外,亞姐商標早前在內地鬧出「雙胞胎」事件,亞洲電視執行董事陳偉傑表示,昨日收到人民法院獲判勝訴通知,只有亞視能舉辦亞姐及發放有關亞姐商標的資訊。