牛雜妹冷落男友 3年情危危乎
藝人「牛雜妹」李亦喬（Monnie）近期創立生活百貨網店，每星期進行直播，希望可以吸納客源，她坦言擁有自己的生意是一直以來的夢想，沒想到能在「疫」市創業：「疫情關係，幕前工作量減少，所以我就想做番啲令自己可以郁嘅嘢，機緣巧合之下同朋友一齊合作，透過呢個平台賣啲我覺得好用嘅嘢。（回本未？）未咁快，但好多粉絲支持，都Keep住有客。」
抗拒諗將來
現時收入看似穩定，但她自爆過去半年沒有工作，要做Part-time OL維持生活：「都係做咗個幾月，因為當時覺得等工作唔係辦法，學嘢增值自己都需要錢，其實3年前我好肥嗰陣都係冇收入，都係返呢份工。（踏出呢步好難？）係，都叫努力過幾年，有作品畀大家，點知又坐番Office，加上呢行唔止我係咁，其實正常返工冇問題(o架)！」
現時專心打理網店的Monnie，因工作太忙而與糖水舖太子爺Jill甚少見面，更傳出3年感情出現危機！問到男友是否支持她搞生意，她即扯開話題，稱只想專心工作。
記者再三追問，她才道出原因：「身邊每個人同屋企人都支持嘅。（情變？）感情唔講咁多啦！（感情生變？）前嗰排去咗睇相，佢話我下年事業運幾好，但依家嘅感情好快就會冇，我聽到都好突然，仲話依家嘅感情令我好煩，話我2022年就會搵到個啱我嘅，我聽到真係好驚，所以依家唔敢諗感情事，專注番工作。感情我唔會放第1位，好抗拒諗將來，反正網店同各樣嘢都未穩定。（冷落佢？）真係冇咁多時間去照顧身邊嘅人，工作真係放得最多時間落去，每日瞓得3個鐘，幕前工作我都要兼顧。」