王菀之揸巴士載客 臨急補鐘

王菀之做車長，載一眾演員遊車河。

王菀之、姜皓文、蔡潔、袁富華及孫慧雪等昨日出席電影《阿索的故事》宣傳活動，戲中飾演巴士車長的Ivana，駕駛雙層巴士載導演葉念琛及一眾演員環繞巴士車廠。Ivana坦言心情緊張：「今次喺巴士廠入面揸都好緊張，之前考牌要揸出街，要再考就冇信心。（隔咗幾耐冇揸巴士？）年幾，所以尋日去咗補鐘，上到車我好似冇學過咁，連引擎都唔識開。」她稱之前考了2次牌才成功，得知合格後哭了：「之前導演話想我考到個牌先開戲，如果我考10年先考到，導演要等我10年，呢個壓力大啲。」另外，同戲演員林盛斌讚她在戲中演技達巔峰，可問鼎影后，Ivana對此謙虛說：「佢想畀壓力我先咁講。（覺得自己演技到巔峰？）我點會覺得係。」

• 蔡潔最後一幕戲拍了20次才過關。

有口福易中伏

至於姜皓文與蔡潔飾演過氣情侶，蔡潔笑指在戲中騙了對方感情、金錢及肉體，問到電影中是否有纏綿鏡頭？她說：「係留白部分。」姜皓文稱葉念琛要求高，拍他的電影不容易，但對方經常萬歲，演員有口福，不過蔡潔坦言：「對我係折磨，我唔可以食太多，有時成個滿漢全席咁，但就會畀導演捽到盡。」姜皓文指看到美食便心知不妙：「佢好似放手畀你演，但佢心目中已經有幾個答案，睇你中唔中。（最多試過重拍幾次？）好快，幾次就中。」但蔡潔自言最後一幕她拍了近20次才過關。