黎諾懿下廚預咗衰畀人睇

黎諾懿與陳煒都係入廚好手，不過現場表演一樣有機會失手。

黎諾懿、陳煒、王敏奕等昨日在將軍澳電視城為《萬千星輝賀台慶》項目綵排。黎諾懿與王敏奕表演煮牛扒，陳煒與黃智賢則煮龍蝦。黎諾懿與陳煒被問到台慶夜的演出是否如去年般錄播？黎諾懿說：「會先預拍一啲鏡頭，到台慶當晚就會即場煮。當然有現場觀眾開心啲，冇咁冷清，希望可以快啲全面開放番。（擔心煮嘢失手？）失敗吓先好睇，有啲觀眾就係想睇你幾時煮燶嘢。」陳煒也指現場時間倉促，有機會失手。笑問黎諾懿會否唱國語歌助興？他自嘲：「我廣東話都未搞掂，唱完以後唔使撈，唱得就去咗星夢，唔係揸鑊鏟！」王敏奕指因老公曾國祥喜歡吃牛扒，工多藝熟，故有一定心得。

• 眾藝人執到正一正綵排，當作正式演出。

買樓孝敬阿媽

講到老爺曾志偉早前賣西貢豪宅勁賺9,500萬，王敏奕笑說：「唔知喎，見佢都好忙去咗內地做嘢，老公都喺內地，希望快啲有健康碼啦！（老爺賺咁多『嘩』一聲？）冇，呢啲唔係我理嘅事。（向老爺請教投資心得？）畀心機工作搵到第一桶金先啦。（學老爺買『磚頭』？）如果唔識投資，買樓都係穩陣嘅方法，希望可以喺香港買到樓畀媽咪住啦！」