姊妹團「辣」招玩兄弟 張頴康喊驚：唔係人嚟！
何雁詩預告接新娘時，「戥穿石」張頴康是被玩目標之一，姊妹團的陳瀅笑言已特別在四川買辣椒好好招待他們：「叫兄弟們準備定！」另一姊妹Cheronna則笑說：「我哋啲絕招唔係好絕o架 咋，不外乎角色扮演之類，總之要畀佢哋知道娶得阿Step（何雁詩）唔係咁易嘅。（開門利是銀碼？）一定滿意嘅，否則我哋唔會罷手。（你送咩畀新娘子？）人情會畀嘅，因為好忙幫佢搞婚禮，禮物可能會遲少少再送。」
至於張頴康聽到成為目標人物即喊驚：「據我所知有蔡思貝、賴慰玲，如果係呢兩個應該冇乜點剩，佢哋都唔係人嚟，都賴賴哋嘢！冇計啦，阿Fred（鄭俊弘）結婚都要頂嘅。（要食辣？）咁就大件事，唔想諗喇，到時先去受死。」
