陳靜轉軚唔閃婚 鍾情陽光型男
拍戲、行騷及唱歌等都做過的女星陳靜，將「第一次」奉獻給「繽FUN主播室」，首次當主播。陳靜向主播曉柔了解流程後，便以不同聲調和語氣來試讀講稿，正式錄影時，只NG了2次，表現不俗，她說：「我畀自己70分啦！報道新聞同講對白，真係完全兩回事，咬字要更清晰，聲線要平穩。但做戲就唔同，要配合角色生活化，唔可以太字正腔圓。」
身為金像獎最佳女配角的陳靜，被主播曉柔問到有何角色想挑戰，她說：「想演殘疾人士，唔想重複以往嘅角色。（試做打女？）我四肢唔協調，哈！（性感角色？）想做啲內在性感、有女人味嘅，唔係外形或衣着嘅性感。」
曾說不介意閃婚的她，笑言又改變想法：「我覺得要畀到小朋友好嘅環境，同埋要遇到適合嘅另一半先得。」她說現在鍾情陽光型男士：「我成日做運動，覺得呢類男士有自制能力，大家興趣相投，可以一齊做運動。」