美國總統大選進入倒數階段，美國百變天后Lady GaGa近日就以過往不同經典形象拍攝宣傳片，呼籲Fans投票。
片中GaGa以10年前出席MTV音樂錄影帶頒獎禮時的經典「牛肉衫」造型示人，而曾公開撐民主黨候選人拜登（Joe Biden）的她表示：「好老實，你知我投票畀邊個，但相信我，同埋依家聽我講！就算你唔同意我嘅選擇，你嘅投票對世界仍然好重要，我從來唔怯於表達自己嘅聲音。我用好多唔同方式講咗好多嘢，着過好多唔同嘅衫、化妝、帽、用肉造嘅裙、由體育館跳落去、舞台上尖叫。我或者已經改變咗，但有樣嘢從未改變，就係我嘅聲音同我信奉嘅嘢。呢次選舉將會聽到我嘅聲音，咁你呢？」