高文君廣東話認輸冇信心爭冠
亞姐將於今晚舉行香港區決賽，14位候選佳麗昨日出席綵排，其中趙桐恩獲頒「友誼小姐」，坦言擔心中「魔咒」無緣入三甲！大熱門「討論區女神」高文君則謙稱廣東話不好，沒有信心奪冠。
《2020亞洲小姐競選香港區決賽》14位候選佳麗昨日以「星光旗袍」造型出席綵排，雖然款式老土，但大熱門高文君及「高妹」張玥出場時表現亮眼，相反練樂儀、蔡小蝶及馮熙淳似乎狀態不似預期！大會宣布趙桐恩獲得「友誼小姐」，一臉難以置信，彭紫荊則獲頒「炫出自我大獎」喜極而泣！
張玥睇好自己入三甲
事後，趙桐恩解釋沒想過會得獎，亦不知綵排會見記者，一下子很驚嚇才發呆，待下台後才來得切反應大感開心，但攞完獎反而驚驚：「通常攞完『友誼小姐』都同三甲冇緣，惟有接受同Enjoy The Show。（寧願唔攞？）咁又唔係，都係另一方面嘅才華，人緣好好有用。」彭紫荊則表現激動因有感觸：「當初幾有信心入圍，點知嚟到先知自己有好多不足。（當自己攞咗冠軍？）喺自己心中已經係！」
高文君與張玥齊齊受訪時坦言訓練充足，故對決賽不太緊張，問到訓練可辛苦？高文君說：「大家一齊食飯傾偈，好似去番中學生活咁。」張玥則笑言辛苦在於要早起身。至於睇好誰奪三甲？張玥認為她倆有機會攞獎，但高文君則謙稱：「我廣東話唔係好好，覺得冠軍應該要廣東話好好，但我都有學緊，依家可以交流。」
亞洲電視執行董事陳偉傑承諾香港區決賽完結後，14日內會向佳麗派發獎金，冠亞季分別派10萬、5萬及3萬，入圍則各有1萬，合共派發33萬，由於早前有1位佳麗退選，會將其所得的1萬元捐出做善事。提到總決賽，他透露因佳麗簽證及疫情問題要延至明年1月，暫定在港舉行。
on.cc繽FUN星網今晚7時30分將會全程直播《2020亞洲小姐競選香港區決賽》，想知最後后冠誰屬？記得不要錯過！