黃榕怕口花花 最愛肌肉男

黃榕早前接拍了男士補品的廣告,廣告中黃榕身穿低胸裙大晒事業線,又被赤裸上身的男主角公主抱。她稱拍攝過程順利且愉快:「其實個廣告有兩個男主角,一個係肌肉男,佢趁拍攝空檔不停做掌上壓谷肌肉;另一個係肥仔,佢成日同我講爛gag,好搞笑。(拍攝時有冇尷尬﹖)少少啦!因為好耐冇畀人公主抱喇!」問到現實中喜歡幽默男還是肌肉男?她稱一定要大隻:「我唔想男朋友太幽默,驚佢會口花花撩女仔,但又唔好沉默寡言。」