楊埕P牌兼路癡炒車怕肉痛
上月才考獲車牌的藝人楊埕，近日已急不及待買車，日前她與好友邱晴現身九龍灣某商場的二手車展銷場，二人見到靚車手指指傾不停。楊埕見一輛心儀跑車即時試坐，之後打開車篷感受一番，但當看到價錢約70萬元後便離開。之後她看中一部大約廿多萬的細車，又試坐一輛橙紅色車，接着她會合邱晴，詢問其意見。邱晴雖然只有21歲，卻似乎對車很有認識，二人逛了個多小時，似乎已揀啱心水，之後在附近餐廳吃飽後才離開。
楊埕離開無綫後，工作發展停滯不前，加上後來與男友分手鬧上差館，負面新聞影響了工作。現時事件已解決，楊埕亦重新出發，首先買車獎勵自己，她回應記者時說：「我覺得有車方便好多，本來睇中咗架開篷跑車，但70萬有啲貴。加上我其實係路癡，又冇駕駛經驗，買咁貴嘅車如果炒車會好肉痛。」邱晴則希望買二手跑車：「之前台慶抽大獎有五十幾萬，但我會分期付款。我身邊啲朋友都好鍾意車，所以對車好熟悉，之前都有開屋企人嘅車。」
