陳展鵬幫老婆影相 玩人肉Zoom

陳展鵬與林夏薇等前晚錄影無綫節目《流行經典50年》，薇薇特地跟唱歌老師上堂，展鵬亦不敢怠慢，匿在屋企廁所練歌。談及太太單文柔日前上載浴照，展鵬坦言由他操刀：「佢有着衫嘅，又唔好露太多。（太太滿意你嘅攝影技術？）Po得都滿意，有時真係影到暈，因為未儲到錢買鏡頭，要人肉Zoom，又踎低又左又右。」他趁機踢爆太太的影相趣事：「有時去旅行，佢為咗着泳衣影相，第一日唔食嘢，搞到我都冇得食。」