苟芸慧結婚兩周年 老公「蜜」碼示愛

藝人苟芸慧與錫礦大王後人陸漢洋（William）於2018年拉埋天窗，日前結婚兩周年紀念日，兩人當然孖住慶祝，苟姑娘以鮮紅色晚裝盛裝上陣，網晒合照放閃及留言：「2nd year，今年有不少難關，但感恩有你，btw有冇人話你愈來愈靚仔？」William隨即和應老婆：「有好多人話：『你老婆愈來愈靚女』。」兩夫妻一唱一和晒恩愛。William亦有為老婆拍攝寫真靚相，留言貼上愛的密碼「520993344」，代表「我愛你苟苟生生世世」，非常甜蜜。