布睎尤「佛系」接Job講緣分
32D性感女模布睎尤，身材好，心腸一樣好，原來新冠肺炎爆發初期，她便為自己定下派口罩助人目標：「疫情初期我許咗個願，希望派五萬個口罩幫到有需要嘅人，到依家已經派咗十二萬個口罩，屋企仲有十二箱口罩，好多係朋友捐畀我，我會落區親自派。」她表示以前視工作第一，如果做義工和賺錢，她一定選後者，但自從信佛後，她的心態逐漸改變：「以前我一定揀賺錢先，依家掉轉，如果嗰個工作同你有緣分，會為你改時間，我係咁諗，自己唔會冇咗一個工作就餓死，但反而試過因為做義工，接觸多咗唔同階層嘅人，多咗合作，好微妙。」
不過，她自爆第一次派口罩就遇上恐怖經歷，到垃圾站準備派口罩時，見清潔工不適嘔吐及見暈，她嚇得立即叫白車將對方送院，坦言也擔心中招，幸好心有好報，她表示做義工幫到人，自己亦多行路當Keep Fit，一舉兩得。