千嬅難忘「舊愛」Eason後悔駁佢嘴!

楊千嬅昨日出席個人紀錄片《楊千嬅I.II.III MY STORY》首映,除了老公丁子高與父母到場支持外,「舊愛」陳奕迅(Eason)與林建岳亦撐場。千嬅透露該片是入行25年的重溫,內裏還邀請不少好友暢談相處點滴,其中她自爆對Eason的片段印象深刻:「我覺得自己腦退化,啲Timeline成日錯,佢提過喺英國讀建築,所以每次糾正我唱歌時我都會駁嘴,其實佢後來轉咗讀音樂,仲喺皇家音樂學院差一級就考到演奏級,所以唔明點解我要駁,個心哽住囉!」

片中的千嬅提及懷孕時因過份疲累搞到出血,結果要停工臥床休息半年待產,又自爆2013年奪金像影后前數日,曾入院做子宮肌瘤手術的經歷:「因為有10幾粒,原本手術3個鐘,最後做咗6個鐘,醒嘅時候家人同同事企晒喺床邊,話我瞓咗好耐。」

有信心年尾如期開騷

對於年尾開個唱,千嬅坦言有信心能如期開騷,但會有兩手準備。問到若入場人數限一半,門票價錢會否調整?她說:「應該照舊,好難收支平衡,但希望做到件事。(擔唔擔心捲政治風波後,啲人抵制唔睇?)人生好漫長,40幾歲人有好多唔同經歷。(畀人抨擊嗰段時間點度過?)又唔係想像中咁唔開心,依家會識得解決,多謝個仔Torres教我好多嘢,令我平衡咗!」