日前是藝人陳昭昭的農曆生日，獲國際品牌贊助生日酒會，早前踢爆廖碧兒結婚的建時地產主席施家殷也是座上客。昭昭透露8月西曆生日時身在柬埔寨隔離，未有慶祝，談到生日願望，她說：「希望盡快搵到如意郎君。（擇偶條件？）最緊要單身、脾氣好同顧家。我鍾意黐家嘅男人，最好鍾意煮嘢食，有冇錢冇所謂，但唔好窮過我，我唔使佢養，但都唔好要我養！（介唔介意對方結過婚？）唔介意，離咗婚或者有小朋友都接受。」
