周柏豪浪漫冧太太 為一條拉鏈遺憾
周柏豪跟太太愛情長跑多年，他自豪為太太做過很多浪漫事，但遺憾當時沒有陪太太挑婚紗，未有親手為她拉上拉鏈，內心有失落感。他又大爆女兒性格奔放，最愛不着衫無拘無束。
繽FUN星網全新節目「金鈴12星座X萬希泉」一連十二集訪問不同星座的藝人，由「金槌拍賣官」金鈴主持，最新一集的嘉賓是天蠍座的周柏豪。去年底升呢做了爸爸的他，自從囡囡周芯悅出世後，徹底改變了他的生活習慣，因為囡囡太醒瞓，他在家中要輕手輕腳：「好似小偷入咗博物館偷畫咁，要放輕腳步，聲量盡量減到最低，甚至要用氣聲講嘢。」他笑指女兒性格奔放，自爆囡囡的小陋習：「佢喺屋企好鍾意唔着衫，一冇着衫就變咗另一個人，佢唔鍾意有約束。觀察到佢呢種性格，同太太商量過，可能國際學校比較適合佢。」
只能睇相感失落
被形容為暖男代表的周柏豪跟太太一起超過15年，自認愛浪漫的他笑說做過很多浪漫事：「我唔係驕傲，但實在太多。」多年來他都有寫紙仔給太太的習慣，最浪漫的一次是太太生日時要到日本公幹，他就串通太太的上司和同事，在餐廳突然捧住蛋糕出現：「嗰一刻我自己覺得幾難忘。」然而由於是秘密結婚，卻帶給他一些遺憾：「太太自己去揀婚紗自己着，以前睇劇多數係老公幫佢拉拉鏈，我冇得幫佢拉，佢揀完傳相畀我，我睇住幅相有啲失落，遺憾自己唔喺現場陪住佢。」