吳浩康小組教學保住收入
歌手吳浩康（Deep）日前出席無綫慈善節目，透露剛與農夫合作出新歌，講述兄弟情，可是疫情之下令好朋友也未能多見面：「好耐冇見啲兄弟，因為好多都有晒家庭同小朋友，反而我就忙教學方面，不嬲有開班教唱歌，疫情期間除咗網上教學，亦都有單對單教。」
現時已有60名學生的Deep，收入暫未受疫情影響，他說：「有冇影響睇自己有冇轉型啫，我啲幕前工作停頓晒，所以要依靠其他收入，托賴多得啲學生信任，依家惟有辛苦啲，小組要拆開上，工作量就大增咗。（唔諗兒女私情？）唔諗住，都冇對象，可以話係空白。」