袁偉豪黃翠如咀到撞牆

黃翠如、袁偉豪（Ben）與未婚妻張寶兒於新劇有不少對手戲，翠如自爆與Ben有多場咀戲，全部均由她採取主動：「其中一場錫戲，導演一路唔Cut機，我哋諗係咪拍唔到個樣呢，所以大家不停轉，但都唔Cut機，最後錫到佢撞埋牆先停機。」
袁偉豪與張寶兒未落實結婚日子。
袁偉豪與張寶兒未落實結婚日子。

至於Ben自從宣布求婚成功後，首次與寶兒一齊出席活動。Ben表示未落實結婚日子，但一定會簽字：「可能今年，但要了解程序先，話晒第一次結婚。（排期未？）你哋去睇吓！」對於他與舊愛岑杏賢近日鬥放閃，他笑言：「咁佢（岑杏賢）同寶兒生日差一日，佢又係舊愛，好多嘢巧合。我都有恭喜佢結婚，佢亦有恭喜我。」同場的莊思明日前網晒水着相，她自嘲難以勝任太性感的泳衣：「要上面（胸部）有好多嘢睇先靚。」並指男友楊明專心開工，未有為交通意外一案想太多。而相隔廿年後再拍無綫劇的關寶慧，開心演紀律部隊高層。

黃翠如於新劇有多場親熱戲，不擔心老公呷醋。
  • 黃翠如於新劇有多場親熱戲，不擔心老公呷醋。