荷里活動作天王狄維莊遜（Dwayne Johnson）出名受歡迎，日前其社交網追隨人數突破2億，正式成為美國最具人氣男星！他穿上恤衫打煲呔拍片致謝，並向Fans祝酒，留言指自己常講出事實真相：「就係因為咁，我剛被通知追隨人數超越2億，並喺所有社交平台中合共有超過3億追隨者，正式成為美國最多追隨者嘅男人，以及全球最多追隨者嘅美國男人，而最重要係家中No.1爹哋！」
撼低狄維攞全球第一的是葡萄牙球星「C朗」基斯坦奴朗拿度（Cristiano Ronaldo），多達2.3億人追隨；而與狄維同佔第二位的是美國天后Ariana Grande，雙方追隨人數相若。