童樂日：謝文欣懵吓懵吓拎三甲

歌手謝文欣自細就充滿音樂天分，小學一年級已經學鋼琴，更膽粗粗自薦參加校際音樂節鋼琴比賽︰「音樂老師問我哋有冇興趣參加。嗰時好細個，唔知係咩一回事，淨係覺得識彈琴就可以參加，所以就舉咗手。依家諗番都真係好佩服當時心口得個勇字、乜都唔理嘅自己！」續憶述當年參加比賽的情景，她笑指因評判是外國人，她聽不明英文，全程一舊雲，連上台領獎都懵盛盛︰「接近尾聲嘅時候，評判會總結大家嘅表現同頒獎。其實我真係唔知佢係講緊乜，之後媽咪無啦啦推咗我出去拎咗張分紙，原來我拎到第三名，所以要出去拎張分紙！」