陳展鵬為囡囡鋪路任佢舞

陳展鵬昨日出席楊柳青與林子超開辦的健身藝術教育學校開幕，展鵬透露兩位老闆永遠贊助他一家跳舞健身，所以一定要來支持，他說：「贊助我小朋友跳舞，呢個交易都好OK o架 ！（生多個抵啲？）隨緣。」講起歲半大的囡囡小豬比，展鵬即刻慈父上身，一副冧樣，指囡囡比較似他，他說：「希望佢似我啲好嘢。（最唔鍾意咩？）佢就要樣樣自己嚟，好獨立，佢掂過嘅嘢，你教佢佢就唔鍾意，唔肯聽。依家佢都會玩電掣，見我哋開風扇，佢又會掂，搞到屋企啲風扇要全部換過晒，換啲冇葉嘅，驚一時唔留意整親。」展鵬錫女錫到燶，完全明白痛在兒身痛在父心的感受。