關智斌決心熄「肌」：驚人話我露體狂
關智斌（Kenny）早前頻頻騷肌派福利，日前受訪時被問會否怕被定型為「脫星」？他抵死笑言「要扣番粒鈕」，靚Body拒再「見客」：「夠(口架)喇！冬天喇！要着番樽領衫。上年演唱會操弗咗，有廣告客戶幾鍾意，好順理成章影埋寫真集，依家我係驚人哋介意，話我係露體狂！」
「耳朵懷孕」形象化
提到其寫真集《尋蝶戀花》其中一個於耳朵戴上粉紅花瓣的造型，被網民熱烈討論，形容花瓣似女性私密部位，完美將「耳朵懷孕」概念形象化，Kenny大方表示︰「真係覺得幾好笑、幾得意，冇人講都冇意識諗起，有人講咗又有啲似！有人問我嬲唔嬲？我真係唔介意，因為藝術嘅嘢係咩人睇咩嘢，佢講完，而我都睇到又覺得係，哈哈﹗」
孖吳千語滑水
另外，近日他與吳千語一齊出海玩無繩滑水，二人表現有板有眼。穿一件頭白色泳衣的千語增加難度，滑水期間試圖在Kenny手上攞飲品，經過兩次才成功，興奮大笑。