謝高晉勇戰 被撞斷膊頭韌帶

歌手施匡翹師弟、今年樂壇新人謝高晉推出首支派台歌《仲夏日記》,帶出堅持自己的選擇、努力向前的訊息,同時身兼職業籃球員的他,自爆去年跟隨球隊澳門戰狼,參戰東南亞聯賽對菲律賓隊時,受敵方球員重擊,撞斷右邊膊頭韌帶︰「嗰名球員係高我個半頭兼重我三倍,但受傷之後我堅持打埋最後嗰兩分鐘,打波少不免會受傷,依家已經康復!」

提到第一首歌便跟著名音樂監製舒文合作,他大叫幸運,直言獲益良多,又無意中踢爆舒文是個為食之人︰「每次上錄音室都有好多嘢食。」問到可曾做錯事被舒文鬧?他笑說︰「有晚錄到尾聲嘅時候突然『斷片』,改咗個旋律畀佢斷正,呢個都幾搞笑!」