傳不滿鄧佩儀 張頴康堅發火

藝人鄧佩儀(Gloria)首次擔正新劇《換命真相》,被指壓力爆煲,拍攝時頻頻NG「累街坊」,有傳「男二」張頴康還在片場向她發火!張頴康昨日於社交網澄清,見他上載與鄧佩儀合照,表示大家都很少見他發火,故即時示範「鬧」鄧佩儀:「嗱!鄧佩儀,如果你以後咁少時間瞓覺都早到現場,我發火爆你㗎!如果以後你NG少過我,我即刻發火爆你㗎!其實,我哋合作咗都係得十日八日,大家都仲係磨合緊,何來會有不和呢!」