黃靜藍3線發展乜都輸得起！
模特兒黃靜藍除了是廣告界新寵兒，還是時裝網店老闆，又正攻讀碩士課程，下個目標希望有機會作多方面發展，最希望是有機會與型男吳彥祖合作圓心願。
現年25歲的「樂基兒師妹」黃靜藍（Nam），任職模特兒工作已四年，憑着美人胚子與青春活力，近年來獲不少廣告商垂青，廣告身影隨處可見，透露在大學期間獲父親的朋友介紹下入行：「一開始時乜都唔識，好緊張！嗰時有喺寫字樓做實習生，放午飯或放工就跟公司同事去Casting，先發現影相嗰個感覺輕鬆好多，鍾意影相多過返寫字樓朝九晚五嘅生活，所以畢業後選擇咗做模特兒。」
讀碩士又搞網店
問到會否希望幕前發展，Nam說：「其實興趣真係好廣泛，有機會當然想試，最希望可以有機會見到吳彥祖，同佢合作係夢想。（鍾意佢啲咩？）靚仔唔使講，好型、演技好。成個感覺係一個好顧家嘅男人。」
個性好動的Nam除了模特兒工作，還正在香港大學修讀社會科學碩士課程，同時亦經營時裝網店，生活相當充實，她說：「依家發覺一日24小時真係唔夠，模特兒工作同讀書其實已經好忙，加埋網店真係冇時間休息，要研究將來發展、點樣覆客人Message。我比較幸運，平均每日都仲有6至8小時睡覺，做模特兒要睡眠好充足，因為好多客戶係關於Skin Care，所以皮膚質素係好重要。」她表示個人比較活躍，喜歡創新及嘗試：「我個人性格好急，鍾意乜都試吓，覺得唔識就要去學！始終仲年輕，有咩事都輸得起。」
Profile
三圍：32、23.5、35
身高：1米70
嗜好 : 扮靚、打保齡球