Elly擇偶愛暖男 幫手買M巾
英皇「發燒女聲」Elly（艾妮）推出Hi-Fi碟《CLOSER》，昨日於唱片店舉行首個簽唱會，吸引大批Fans到場支持，她說：「全日去咗八間唱片舖，銷情都唔錯！第一批印咗2,000隻，有機會加印，之後仲會出限量黑膠碟。」還自爆新碟內附的寫真集有大露背，尺度大卻嫌未露得夠：「可以再影低啲，但啲同事阻止我！（正面都露得？）有打底嘅話影相都可以，自己好想出寫真集。」
Elly透露早前客串網劇《女法醫JD》，跟男神張孝全對戲：「真係超緊張！戲入面佢請我食雞髀，但專登整污糟我嘴角，然後用手幫我抹，嗰下好有小鹿亂撞嘅感覺！自己對會照顧人嘅男仔加分，例如口渴會買水，有啲仲會買埋M巾（衛生巾）。（有追求者送M巾會接受？）都幾Cute呀！」