徐頴堃着透視裝做足功課
藝人徐少強與雪梨的女兒徐頴堃，日前為服裝品牌拍攝秋冬季新裝影宣傳照，其中有着透視衫晒健康性感。為了讓拍攝過程更流暢，徐頴堃前一晚做足功課、諗定Pose。
自認慳妹的她，笑指平常吃東西多過買衫，私下衣着走樸素路線，好開心今次試到不同造型。
講到她於疫情之下仍密密接Job，近日更為樂隊ONE PROMISE新歌首次拍攝MV，但竟然令她大叫怕怕︰「喺完全未認識佢哋之下就要整蠱個主音，其實係佢隊友嘅意思，唔關我事(口架)，哈哈！」沒想過拍一個MV要廿多小時，之後有意走音樂路？她表示交由公司決定。