「凍齡」攻社交網 翁嘉穗晒腿響頭炮

前港姐冠軍翁嘉穗近日開設社交網專頁，分享繪畫、美食及扮靚心得，她表示一直都有設立專頁的念頭，卻提不起勁，終在好友曹敏莉提議下的起心肝，頭炮更上載大騷Fit爆身形及長腿的靚相，令網友讚嘆她完全不似46歲的兩子之母，她說：「其實之前20歲同30歲都有影過，所以趁自己40幾歲狀態ok就影多輯，影完就諗不如Post吓，有日同曹敏莉傾開偈，佢叫我整個專頁，咁就可以用呢啲相，我都冇諗過大家反應咁好！」