馬浚偉Sing援李明蔚籌醫藥費

藝人馬浚偉對抗癌歌手李明蔚一直照顧有加,日前他突然在網上開Live唱歌,為對方籌集醫藥費,表示與明蔚特別有緣分:「個傻妹話自己身體愈嚟愈弱,呢段時間我哋一直有保持聯絡,亦知道佢嘅身體狀態,可以做到嘅事唔多。」又指她希望可以嘗試新療法,但由於醫藥費昂貴,對其亦有壓力。

至於明蔚受訪時指身體十分虛弱:「呢排冇咩氣,因為個肺有腫瘤,所以個胸口一呼吸就頂住,就算瞓覺都頂住,好唔舒服。」透露現時不能行太耐,需要休息。