新一代性感女神Emily Ratajkowski自爆8年前未成名時，遭攝影師Jonathan Leder性侵，當時她為對方拍內衣照及裸照，其後喝得爛醉，慘遭對方乘機施以「鐵指功」！
已為人妻的29歲美國模特兒Emily，為雜誌撰文「#MeToo」指控攝影師Jonathan性侵。她聲稱事發於2012年，未有名氣的她接受經理人指示，前往Jonathan的紐約州卡茲奇山寓所，進行沒有酬勞的拍攝，工作要求包括要在該處過夜。她透露拍完內衣照後，對方提議她裸體拍攝，當時化妝師亦在場。拍攝完畢，化妝師入房睡覺，她則喝得爛醉，與Jonathan臥在梳化上蓋着毛氈，對方開始追問她有關男友的事。
Emily表示：「之後大部分發生嘅事情，除咗感覺之外都好模糊。我唔記得有冇咀嘴，但記得佢嘅手指突然喺我體內！」她感到愈來愈痛楚，即拉着對方的手拔出來。其後Jonathan一言不發上樓，Emily則於翌晨離開。4年後，男方將當晚拍攝Emily的照片結集成書，Emily指他與出版社無權出版該輯照片，曾發律師信要求他們停止出售及舉行攝影展，但最終未能阻止。
Jonathan否認Emily的性侵指控：「佢指控太庸俗同幼稚，我唔想回應。你知道我哋講緊邊個人？呢條女係幫雜誌剝衫影相，又喺Robin Thicke個音樂錄影帶赤條條咁彈吓彈吓。你真係想人信佢係受害者？」並指Emily沒有法律理據阻止寫真集出版，她才出此下策誣衊攝影師！