何雁詩廚藝「破地獄」鄭俊弘畀面食清光
歌手何雁詩（Stephanie）早年參加節目《美女廚房》時獲封「地獄廚神」，事後努力「洗白」，現已煮得一手好菜，日前更獲網上煮食節目邀任嘉賓，炮製餃子及雞肉親子丼：「真係有的起心肝學好廚藝，喺疫情期間有慢慢鑽研，想搣甩『地獄廚神』封號。」
問到未婚夫鄭俊弘（Fred）有否讚好食？Stephanie笑指對方求生意志很強，從來只會講好食：「唔知佢係咪真心！仲會好畀面咁清晒。（屋企人試過你嘅手勢？）有！但佢哋冇講啲咩，食完就好淡定咁行開，其他人都好少試過。」若再有煮食比賽節目邀約可會參加？她抵死婉拒：「唔好啦！哈哈！費事冇進步，我淨係想聽啲假嘅讚賞。」寧願婚後做廚娘！