馮盈盈想咀厚唇蔣家旻
藝人張振朗、馮盈盈、高海寧（高Ling）、湯怡及賴慰玲等昨日為無綫劇集《反黑路人甲》宣傳，對於劇中與王浩信於車廂咀戲成焦點，振朗透露該場戲共拍了兩天：「拍嗰時每個Shot都忍唔到笑！開心觀眾睇得投入，仲瘋狂截圖同Tag我，好多男粉絲都話想同我試吓。（男定女好咀？）同浩信錫壓力冇咁大，因為知道一定唔會有乜嘢發生！（想唔想拍續集？）想，同浩信仲可以做啲乜？唔通要我哋拍床戲？」有見兩男劇中的HeHe情成為熱話，問馮盈盈可接受演SheShe戀？她說：「我未挑戰過呢類角色！對手想揀蔣家旻，啲評語話我豐厚嘴唇好性感，蔣家旻嘅厚唇亦係佢嘅Signature，等大家睇吓有共同特質嘅女仔有咩化學作用，諗起都覺得性感！我唔抗拒同女仔Kiss。」
