陳倩揚重視情趣 氹掂老公防偷食
疫情下陳倩揚變成全能煮婦，與老公感情增進不少，不怕老公偷食。陳倩揚老公因在家工作，兩夫妻多了時間相處，她更讚老公為減低家人感染風險，肩負去街市買餸的任務：「佢學識買餸後，我哋多咗好多話題，煮吓傾吓，感情仲深厚咗。」
讀心減少摩擦
前DJ細So早前被爆背妻偷食，哄動全城，陳倩揚與老公由相識到結婚共18年，問到如何避免另一半偷腥？她說：「呢啲冇得諗，做好自己先，希望白頭到老係要花心思維繫，平時要多啲關心佢嘅感受。」續說：「男人好似小朋友咁，有時要氹吓，製造小情趣過二人世界，盡能力好好經營呢段婚姻，學識由對方角度去睇，更明白佢嘅想法，摩擦自然愈嚟愈少。」
教小朋友「惜食」
除了忙電台、電視台及網上平台工作外，陳倩揚又要照顧三個子女及老公起居飲食，一星期煮足七日。她透露會在煮飯過程中，趁機教育子女珍惜食物：「會邀請佢哋幫手砌吓個『花花鍋』，小朋友有機會參與製造過程，知道食物來源，會少啲揀飲擇食。好似大仔本來唔鍾意食番薯，但帶佢去過農田掘番薯後，又鍾意咗食。」
陳倩揚最近應《Towngas Cooking煤氣教煮》Channel邀請拍片示範親子菜，她自稱在全港最強的明火專業烹飪平台上一口氣分享了四款簡單菜式。要照顧家人不同口味，她認為最重要是快、靚、正又有變化：「午餐通常係港式、日式、西式碟頭飯，又或者每日整唔同嘢，好似餃子、炒米粉、炒飯、意粉、咖喱飯、親子丼咁。好多謝我啲小朋友同老公唔怕悶，只係轉吓個汁已經有好多變化，咁就可以每個星期無限重複。」