李芷晴搵「王子」通渠上埋床
「六合彩女神」李芷晴最近忙個不停，除了成為無綫處境劇《愛．回家之開心速遞》常駐角色外，亦拍了不少廣告，當中更以「長髮公主」造型示人。
芷晴拍攝花絮短片留念，起初見她扮靚靚望着鏡頭，鏡頭一轉，背後的床上竟躺着「王子」鄒兆霆！芷晴表示：「今次係第一次同兆霆合作，本身覺得佢斯文靚仔，原來佢好搞笑同好玩得，所以好快就熟落，演戲嘅時候都自然好多。」她指整個拍攝過程很有趣：「故事設定係一個甩頭髮兼有少少公主病嘅公主，遇上一個通渠王子，個Idea好搞笑。拍攝當日要駁好長嘅假頭髮，所以要兩個髮型師幫手，拍攝嗰陣啲頭髮又會散開，全部人要不停紮辮，好搞笑！」