林鈺洧湯沛宜 吸「陽氣」驅邪
藝人林鈺洧和湯沛宜因參加靈異真人騷，雙雙惹禍上身，姊妹花同病相憐。早前她們就相約在戶外做雙人運動，吸「陽氣」補充體力！
藝人林俊賢女兒、現年25歲的林鈺洧（Denice）膽子不小，膽敢挑戰ViuTV靈異真人騷《鬼同妳上位》，與29歲的湯沛宜（ToTo）接受考驗，節目中互相扶持。兩人完成拍攝後仍保持聯絡，感情要好，早前就結伴到海濱走廊做運動，在烈日下吸「陽氣」！
除衫運動任人𥄫
ToTo做運動前脫去T恤，只穿Bra Top大騷34F澎湃上圍，她用橡筋拉力帶做伸展，亦指點Denice拉筋，不少途人眼望望，連Denice亦被其身材吸引住，忍不住望多兩眼。Denice在一旁練跳繩，做完一輪運動後大汗疊細汗，兩人行近圍欄曬住太陽談心，未知是否想藉此驅陰？
ToTo昨日受訪時大談對Denice的第一印象，讚對方身材高挑及靚女，又笑說：「嗰時唔識佢，有記者問爸爸知唔知佢參加真人騷，當時我諗點解要問爸爸，唔通佢好細個？」Denice則讚ToTo身材出眾，令人羨慕。
Denice報救命之恩
提到參加真人騷，每位參加者都想贏，兩人卻沒有明爭暗鬥，反而互相照顧，ToTo自爆全因Denice曾救她一命：「拍攝時我一路有戴住護身符，嗰日去傅聲故居要除低，唔知點解嗰刻好唔開心，之後唔知發生乜事。事後佢哋話我突然失控狂喊、狂嗌，想跑入故居，總共10個人先捉得住我。」Denice猶有餘悸：「我有份撳住佢隻腳，佢大力到我撳唔住！」並分享自己的靈異遭遇：「我拍咗3日都唔舒服，最尾一日頂唔順放棄。朋友介紹個師傅畀我，話我惹咗三班鬼返屋企，身上有一男一女，師傅話個女嘅黐住我塊面，一定要整到我面癱先走。」