藝人梁競徽近年密謀於內地搞多項飲食生意，繼之前推出廚具後，現又出品自家《競徽廚房》月餅，由於反應熱烈，之後更會推出蛋卷、蝴蝶酥及過年禮盒等。
廚藝了得的他，被問是否親自研發月餅？他說：「當然唔係我研發，我拍檔嘅師傅喺香港餅界好出名，個月餅真係好好食，我都好鍾意，估唔到反應咁熱烈。月餅、蛋卷都係香港傳統食物，我由細食到大，希望推廣多啲，不過我唔係做開生意，暫時只係『初哥』，要慢慢學習，吸收多啲經驗。」