張兆輝甘被利用：覺得升呢！
從影38年的張兆輝形容八十年代是他的黃金時代，被公認是好戲之人，早就擸了影帝獎座，但曾是無綫當家小生的他卻與視帝無緣，他反而覺得有利用價值的感覺良好。
張兆輝18歲加入無綫藝員訓練班，亦是人生第一份工作，可以說是最寶貴的青春都放在無綫，他在繽FUN星網昨日推出的鷹金庫夾萬特約《娛場Ｘ男人的秘密》節目中，細訴他的黃金年代，他自覺在無綫的際遇都不俗，曾經是多套電視劇男主角的他說：「唔係個個出嚟都咁順o架，我都係一步步咁嚟，以前八十年代大家都係咁，畀個機會，得嘅再畀，唔得嘅就下一個，最緊要自己努力啦，要有能力同實力先，低潮時唔好氣餒。」
張兆輝在電影方面成就較大，曾經攞過最佳男主角、男配角等名銜，但偏偏同視帝無緣，他平常心說：「冇乜所謂啦，最緊要個個都睇我嘅戲，好似之前大家喺度講劇集《黃金有罪》，個個都話返去追劇，對我嚟講已經好滿意。」他指電視行業一直都是由有經驗的演員帶領新人，再一批批接力落去，他笑說：「冇乜話用唔用完即棄，你唔好諗呢樣，我有用嘅時候你自然會搵我o架啦，咁樣咪覺得仲好，覺得自己好似升呢咗。」
夾萬藏無價寶
一對子女對他來說都是寶，家中夾萬珍藏兩人出世時在產房拍攝的錄影帶，他笑說：「對人哋嚟講可能冇乜用，但我將呢個咁重要時刻記住，留番畀佢哋睇，呢啲真係有錢都買唔到。」他坦言每個父母都當仔女如珠如寶，他從不掩飾對幼女的偏愛，因為覺得男仔應該要獨立硬淨，反而個女就要呵護愛錫，更自爆在家中從來不用女兒洗碗，他笑說：「我太太隻手嗰陣都滑o架嘛，唔得整到個女隻手咁『鞋』。」他希望將來女兒搵到個像他一樣愛錫她的人，他就放心了。
場地：Pier 1929@灣仔碼頭