歌手鄧小巧及馮允謙（Jay）昨日錄影ViuTV音樂節目《Chill Club》，談到疫情下如何「打發時間」，Jay說：「喺屋企時寫吓歌，同落街跑步，我試過戴住口罩跑足7公里。」小巧笑言迷上「有錢人玩意」：「我依家畫水彩畫，但係一張畫紙價錢都足夠食一餐飯，好奢侈！（搵Jay做裸體模特兒畀你畫？）嘩！咁唔應該問佢，問佢隔籬嗰個（指女友）啦！」
