Hidy爆前度「死」纏唔肯分手

運動達人余曉彤(Hidy)早前為方紹聰(奶仔)及盧峻峯的網上節目《約女.Yama嗲》任嘉賓,齊齊挑戰「香港第一險峰」蚺蛇尖。由於當日天氣炎熱,山路又斜還要行足八小時,兩位主持行到喘氣連連兼要剝衫散熱,但Hidy竟然可以從容完成這次艱辛之旅,令奶仔相當佩服:「唔少工作人員都頂唔順,仲有一個中咗暑,佢真係好犀利,行得仲快過我!」

行山期間,三人談到戀愛經歷及拍拖次數,Hidy自爆其實並不太喜歡初戀男友:「當時有人追,話不如開始試吓先,結果一拍就四年。佢死纏爛打,又話自殺!其實我幾次拍拖,啲男仔都係話要自殺唔畀我走。」盧峻峯忍不住問:「有乜嘢優點令佢哋咁唔捨得你?」Hidy即大笑迴避問題。