媽媽去哪兒?擺烏龍冇份來港!

謝嘉怡當選以來,爸爸一直陪伴在側,不少網民好奇「媽媽去哪兒?」,亦很想一睹謝媽媽的靚樣。昨日謝嘉怡親自揭曉,趁身在蘇格蘭的媽咪生日,網晒多張合照及媽咪的獨照,隔空送上祝福。她表示首次未能一同慶祝,並許下愛的承諾,待媽咪來港再補祝,又感謝媽咪多年來的悉心教導,視為良師益友及榜樣。

昨日謝嘉怡受訪時透露,媽咪未有來港陪她參選原來是擺了小烏龍:「初時父母打算一齊陪我嚟,但因為疫情嚴重,我哋以為要有香港身份證先可以入境,所以媽咪決定唔同行,不過唔緊要,媽咪知我攞冠軍都好開心。爸爸10月返去,聖誕再同媽咪一齊嚟,到時媽咪會留港陪我,爸爸就兩邊飛。」爸爸是香港人,媽咪是蘇格蘭人,謝嘉怡透露小時候與爸爸很似樣:「大啲就似足媽咪,媽咪眼睛係綠色,爸爸眼睛係啡色,我對眼有齊呢兩隻色。」