釗峰分手重創:未試過情緒咁大波幅

歌手釗峰日前被爆背餐廳集團太子女女友,跟一名長髮女撐枱腳,事件曝光後,他即自爆跟女友已分手。昨日他與陳健安及師妹黃淑蔓錄影ViuTV音樂節目《Chill Club》,釗峰受訪時多次語塞,明顯走不出情傷,他說:「咁大個仔都未試過情緒咁大波幅,我哋有好努力嘗試,但最終都係分開。」他多次強調現時單身及冇偷食,亦沒對長髮女做過任何非分行為。問到分手是否有第三者介入?他不斷重複表示:「唔想講太多。」

對於出完放閃Post事隔一個月就分手,他表示很可惜,又指對將來再公開戀情有恐懼,不過若下段戀情很開心,會與大家分享。之後他主動談及秒刪Post一事:「冇秒刪,7月26號結束,7月27號就刪咗,其實都醞釀咗好耐,有好多起起跌跌。」